AuthorsDen.com   Join | Login  

     Popular! Books, Stories, Articles, Poetry
Where Authors and Readers come together!

SIGNED BOOKS    AUTHORS    eBOOKS new!     BOOKS    STORIES    ARTICLES    POETRY    BLOGS    NEWS    EVENTS    VIDEOS    GOLD    SUCCESS    TESTIMONIALS

Featured Authors:  Judith Mays, iOdyssia Learning, iCharles Neff, iArthur Jackson, iPhilip Hughes-Luing, iEdward Patterson, iMichael Csizmadia, i

  Home > Poetry > Poetry
Popular: Books, Stories, Articles, Poetry     
noor-ul-ain fatimah

· Become a Fan
· Contact me
· Poetry
· 2 Titles
· Save to My Library
· Share with Friends!
·
Member Since: Oct, 2009

noor-ul-ain fatimah, click here to update your pages on AuthorsDen.




Featured Book
Coastal Whispers
by Jill Eisnaugle

Inspirational poetry, written from the heart and soul. Verses that are well-suited for reading on a rainy day and that are guaranteed to bring a smile to your face...  
BookAds by Silver
Gold and Platinum Members


Featured Book
FREE DOWNLOAD The Suffering of Being Kafka
by Sam Vaknin

A second volume of short stories and poetry by Sam Vaknin. ..  
BookAds by Silver
Gold and Platinum Members



Popular Poetry (Poetry)
  1.  in honor of
  2.  Water Baby
  3.  Blue Morpho
  4.  Your Own Nuclear Power
  5.  For Emily
  6.  Defeat
  7.  Woodsmoke and Possibility....
  8.  I Wish I Could Tell You...
  9.  Free Spirit
  10.  Traveler's Lament
  11.  I'm So Happy
  12.  reevaluation
  13.  Heaven on Earth
  14.  In The Bath
  15.  My Scars
  16.  Last Birthday
  17.  larger voice
  18.  Eclipse
  19.  I Am . . .
  20.  Kaleidoscope World





andaaz zindagi ka
by noor-ul-ain fatimah
Wednesday, October 28, 2009
Rated "G" by the Author.
Share   Print  Save   Become a Fan

Recent poems by noor-ul-ain fatimah
•  WaqT Ki LapayT Main..................!!!!!!!!!
           >> View all 2

say's ma life style after a long tough journey...

 

                                                                        ANDAAZ ZINDAGI KA!!

 

Ab to andaaz he kuch yun ho gaya Zindagi guzarnay ka

 

Aankhoon say bikhray moteon ko gaalon say uthanay ka,

Laboon ko kass ker heeray khubsurti say chupanay ka,

Larkhrati zuban ko dalairi say sambhalnay ka,

Piyasay panchi kay manand ansoo pe janay ka,

 

Ab to andaaz he kuch yun ho gaya Zindagi guzarnay ka

 

Tanhai may zakhmon ko khuraich kar mehsoos kernay ka,

Dard ki shiddet ko kuch berha ker dard kum kernay ka,

Ghum ki chaader aurh ker gehray saaey may chup janay ka.

Dukh ke sard dhoop mein apna ghoongat nikalnay ka,

 

Ab to andaaz he kuch yun ho gaya Zindagi guzarnay ka

 

Apnon ki atta kerda khushion ka suragh laganay ka,

Ghairon say umeed laganay ka, or un ko apna bananay ka,

Khudi ko zair ker kay khudi ki kotahiun per pechtanay ka.

Aur apnay he kirdaar ke kamzoori par pasheman honay ka,

 

Ab to andaaz he kuch yun ho gaya Zindagi guzarnay ka

 

UN kay baray may acha soch ker dil ko behlanay ka,

Barhti hoi khaleej ko bay-khater paar karnay ka,

Saaray jahan ko chor ker apna ghar basanay ka.

Tinka tinka joor kar sheeshay sa aashiana bananay ka,

 

 Ab to andaaz he kuch yun ho gaya Zindagi guzarnay ka

 

Her toti hoi umeed ko phir ujager kernay ka,

Her baar na-umeed honay ka, ba meed na honay ka

Sab ke umeedon ka bairra paar karaanay ka

Apni umeedon ka janaza nikaltay dekhnay ka

 

Ab to andaaz he kuch yun ho gaya Zindagi guzarnay ka

 

Rangon ki holi may doob ker rangeenian churanay ka,

Khushion ka daamen chor ker ghum ka saath nibhanay ka,

Siyah chadder aurhnay ka safaid kafan muskura ker lapaitenay ka,

Holi na mananay ka, maut ka manzer aankhon may sajanay ka.

 

Ab to andaaz he kuch yun ho gaya Zindagi guzarnay ka

 

Apni jholi may nenhi si HIJAAB ko mehsoos kernay ka,

Us ki wapsi ho jaey, iss moajazay ki fariyad karnay ka,

Us kay chalay jaanay per ro ro maatem kernay ka,

Anmol moti ko janam day ker kho denay ka, gham kernay ka.

 

Ab to andaaz he kuch yun ho gaya Zindagi guzarnay ka

 

Khudai kay samnay gilla shikwa na kernay ka,

Kuch majboor ho ker narazgi ka izhaar kernay ka,

Her lamha thandi thandi aahaiyn bharnay ka,

Aur siskiyaan…….. ……….sisaknay ka.

 

Ab to andaaz he kuch yun ho gaya Zindagi guzarnay ka

 

UN ka meray aansooyon ko piyar say poonch denay ka,

Mera UN ko hosla day ker, khud bay-hosla ho janay ka,

ALLAH kay tohfay ka hum dono ko behlanay ka,

Usi ki salamti kay liay haath utha kay DUA mangenay ka.

 

Ab to andaaz he kuch yun ho gaya Zindagi guzarnay ka

 

Faqeeri ka Chaulla pahen kay ameeri ka singhaar kernay ka,

Kashkaul haath may lay ker bheek sakoon ki mangenay ka,

Banaweti-pen say roth ker sadegi ka damen thmenay ka,

Faraib kay daeyray say nikal ker bus sachi naiki krnay ka.

 

 Ab to andaaz he kuch yun ho gaya Zindagi guzarnay ka

 

Apnay dard-o-zakhmon ka khamoshi say jaiza lainay ka,

Dard-e-dil ko kampti unglion say gud-gudanay ka,

Larazetay hoonto say Keh’kah apnay hi naseeb per marnay ka,

Shamma ko bhujanay ka, tareeki may khushi ka chiragh jalanay ka.

 

 Ab to andaaz he kuch yun ho gaya Zindagi guzarnay ka

 

Acha ! phir meray hamsafer aur meray saathiyo,

Waqet aa gaya tayari ab us jahan ki paker lainay ka,

Is faani duniya say khud ko fanaa karnay ka,

Us MAALIK kay hukem per bay-sakhta ser jhukanay ka.

 

Ab to andaaz he kuch yun ho gaya Zindagi guzarnay ka!!!!!!!!!!!!

 

 

 

 

 

 

Want to review or comment on this poem?
Click here to login!


Need a FREE Reader Membership?
Click here for your Membership!





Authors alphabetically: A B C D E F G H I J K L M N O P Q R S T U V W X Y Z

Featured Authors | New to AuthorsDen? | Add AuthorsDen to your Site
Share AD with your friends | Need Help? | About us


Problem with this page?   Report it to AuthorsDen
AuthorsDen, Inc. All rights reserved.