Right Over Wrong©

BY RasPadaItion®

A good over bad and right over wrong

So young las and lad sing a better song

Protect the weak if yuh know seh yuh strong

Cause bad kyaa good and right kyaa wrong

Verse 1

Watch dih words a yuh mouth, and dih works a yuh hand

Wih need some good gun man, wih nuh need nuh badman

Wih need a Ras battalion wih nuh need nuh gang bang

Wih deh kill one another fih far too long

Mek wih work together mek wih press along

Mek wih live inna love and sing redemption song

And stop boost badness stop boost up dih wrong

Stand up for dih right dare to be strong

Verse 2

A peace and love from Haile Sellassie I son

As it was said so shall it be done

Badman go dung, hatta fire bun

Yuh judgement a come, nuh where to run

Weh yuh sew yuh ago reap, nuh where to tun

Yuh fih know when a time fih tek out unno gun

There is a time fih war a time fih it done

From war stay far far war a nuh fun

Verse 3

Rasta DJ yuh have a big role to play

Use weh yuh say fih show dih right way

Nuh one nuh fih stray when yuh songs play

Bad tune boost badness mek dih gun dem spray

Where’s dih difference between Rasta & dih badman DJ

Woe to the shepherd who lead dih children astray

Fih confuse dih flock one day yuh must pay

So hold the one two Rastafari way