Agụụ (Hunger) (poem) by Izunna Okafor on AuthorsDen

Agụụ (Hunger)
by Izunna Okafor → (All Poetry by Izunna Okafor)
Sunday, September 29, 2019 Rated "G" by the Author.

Save

Follow Share on Facebook

This poem 'Agụụ' by Izunna Okafor poetically describes hunger, as it is currently tormenting most developing and undeveloped countries, particularly in Africa, and precisely in Nigeria.

Izunna Okafor dere abụ a Chịịị chịịị ka ọ na-atà n'afọ Nwịị nwịị ka ọ na-amị n'ọkpụkpụ Agụụ bụ aha ya Ị kpọọ ụganị ọ za gị Agụụ bụ echete ebeme O nweghị nne, nke o ji enwe nna O nweghịkwa ikwu na ibe Agụụ bụ aha ya Agụụ amaghị nwoke na nwaanyị Ọ haghịkwà ụmụntakịrị aka Mere e ji akpọ ya otii nwata n'ihu nne ya Agụụ bụ aha ya Agụụ anaghị asọ anya Agụụ naghị eme ihere Agụụ anaghị asị ndo Agụụ bụ aha ya Ọrọbọ na-atụ ya égwù Atịngà na-agbara ya ọsọ Dike akpụ obi na-asọkwa ya asọ Agụụ bụ aha ya Agụụ enweghị ényì Agụụ enweghị onye iro Mana ebe ọbụla ọ bàtàrà a chọọrọ ya ihe ọ na-eri Agụụ bụ aha ya I mete ya enyi, ọ ka njọ Ị tụ ya iro, ọ nyụọ gị anya Ọ bụ orufọrọ be onye Agụụ bụ aha ya Agụụ na-amịkpọ mmadụ Na-eme nwata okenye n'akaghị aka Ma ya onwe ya adịghị aka nka Agụụ bụ aha ya Agụụ bụ ọnwụnwà Agụụ na-ete mmadụ ure n'ọha Agụụ bụkwa ọranyere nwata anya n'ogwu Agụụ bụ aha ya. Ọ na-adị ka ọnwụ na-egbu ọhà Mana ọnwụ ekweghị ewere ya Kemgbe okike ụwa ka o siri kpaba ike Agụụ bụ aha ya Kwashiọkọ bụ afọ ime ya Ọnya afọ bụ òghùghù ọmụmụ nwa N'ala ili ka ọ na-akpdobe ike Agụụ bụ aha ya Agụụ eriela ọtụtụ isi Mana afọ ekweghị eju ya Ọ bụ nke e mere jụọ oyi Agụụ bụ aha ya Agụụ dị njọ Agụụ dị n'ala anyị Agụụ ahịala ụmụ mmadụ ọnụ Agụụ egbuo ndị a Agụụ... ©Izunna Okafor, 2019. Maka Onye Dere Abụ A Izunna Okafor bụ nwaafọ Ebenatọr dị n'okpuru ọchịchị Nnewi Sawụtụ nke steeti Anambra. Ọ bụ onye edemede iduazị na abụ, onye nta akụkọ na onye nkwàlite asụsụ Igbo. Ọ gụrụ na mahadum Nnamdị Azikiwe dị n'Awka, bụ ebe o mere maka ihe ọmụmụ nhazi ọhanaeze bụ 'Public Administration' n'olu bekee. Dịka onye edemede, o nwetala ntúrú ùgò na nkwanye ùgwù karịrị iri abụọ na ise n'ihe gbasaara edemede, site n'ala anyị na n'ogoogo mba òfèsi. Nturu ùgò na nkwanye ùgwù ndị ahụ gụnyere: Nigerian Writers Award/Indigenous Writer of The Year 2015/2016; Pita Nwanna Award for Igbo Literature 2015; Nigerian Heritage Icon Award/Young Writer of the Year Federal Republic of Nigeria 2016; Anambra Exclusive Youth Choice Award/Youth Writer of The Year 2016; Future Award Africa 2016/African Prize For Education; SLAM Hero Youth International Award/Innovative Youth of the Year 2016; Inspire Award/Outstanding Youth in Academics 2017; Ezenwa Ohaeto Prize for Young Nigerian Novelists 2015; Campus Best Writer/Journalist of The Year 2018, Young Achievers Award/Best Young Writer of the Year 2019, tinyere ọtụtụ ndị ọzọ. Dịka onye nta akụkọ, ọ na-arụ n'ụlọ mbipụta akwụkwọ akụkọ National Light, Ka Ọ Dị Taa na Sportslight Xtra, ma na-arụkwa n'ụlọ ọrụ Igbo Radio, bụ ụlọ ọrụ dị n'ikùkù ma nwee isi ngàlàbà ya na mba Canada. Izunna na-ede akwụkwọ n'asụsụ Igbo na n'asụsụ bekee, ma bụrụkwa onye e jìrì ịkwàlìtè asụsụ na omenala Igbo wee mara. O deela akwụkwọ asatọ, ma nwekwa edemede karịrị narị asatọ n'ọnụ ọgụgụ o bipùtagòrò n'ìkùkù. Ọ bụ onye isi òtù jikọtara ndị ntorobịa na-ede akwụkwọ n'ala Nigeria, ngalaba steeti Anambra.

Reviewed by Izunna Okafor

Reviewed on September 29, 2019

Thank you Mr. Ronald, for commenting. It is really on the increase. But the developed countries still have roles to play in assisting these poor African countries. And the poets are not left out on this.

Reviewed by Ronald Hull

I cannot read, but I noticed that Agụụ or Hunger is repeated many times, because it is at the heart of what you are emphasizing by repetition. The plight of the poor countries in Africa and around the world is increasing. A combination of too many children born and increasing drought and floods, the early signs of global warming, is leading to conflicts and migrations stressing food sources everywhere, but hitting the poorest the most. If a poem can change the people and make them see a way to a better life, I hope this one can.

Ron