Persevere my dear ©

By RasPadaItion ®

Persevere my dear and endure some more

Prepare yu share and it will be there fi sure

Confidence tear dung di fence and open di door

If Jah is yu defense den victory is secure

Verse 1

Yu can not give up now victory is near

Get up stand up and fight fi yu share

Nuff time wi si daddy skin tear

As yu try fi fill him up wid fear 

Nuff time mommy cry, nuff burden she bear

Chicken merry, but di hawk deh near

Oppressors beware, Jah justice is hear

Di table haffi turn, fi wi get fi wi share

Verse 2

Di Lion hath prevail and hold his head up

Yu can never fail unless yu give up

Watch di sip weh yu sip watch di sup weh yu sup

Caa di pirates’ dish just haffi bruk up

Bun tails of governments dem too dyam corrupt

Vatigan & white house just haffi erupt

Prophesy must fulfill now! Yow! Di time is up

Rastafari bun almshouse cause wi haffi live up

Verse 3

When running life’s race yu haffi give it yu best

Give it yu all and Jah will do di rest

Let’s join head, heart & hand fi recycle di mess

Tun yu hand and mek fashion, get more from less

Hard work for sure is the key to success

Working as one is the way to progress

Breathe in the power and breathe out di stress

Rise if yu ready mek mi hear yu say YES
...