Type or P

Mek Mih Goh Home©

By RasPadaItion®

Mek mih goh home, mek mih goh home

Leggo mih hand babywrong me naah tan inna Rome

Tek back yuh scissors, tek back yuh comb

No longer will I linger, no more will I roam

Verse 1

A full time fi repatriation with reparation

Over 500 years yuh have wih under exploitation victimization

Baggage like savage yuh carry from dih mother land

And nuff nuff million dead pan di ocean

And di unfortunate few survive fih work pan dih plantation

And di whip wih still feel today inna dis yah generation

Soh Mek mih goh home, mek mih goh home

Leggo mih hand babywrong me naah tan inna Rome

Tek back yuh scissors, tek back yuh comb

No longer will I linger, no more will I roam

Verse 2

Yuh plantation civilization flourish with irrigation weh it get from wih sweat

And still yuh seh a we owe yuh di foreigh debt

Yuh give wih freedumb so weh still cyaa talk yet

And dih harder wih try a dih deeper down in-dependence wih get

Fih emancipation many woman and man meet dem death

But still chain pan wih brain nuff noh free yet

Soh Mek mih goh home, mek mih goh home

Leggo mih hand babywrong me naah tan inna Rome

Tek back yuh scissors, tek back yuh comb

No longer will I linger, no more will I roam

Verse 3

In di search to be free, this is what I see

It is up to we fi secure wih liberty

Because he who set yuh free

 Can always put you back, into captivity

So first yuh have to free up, yuh mentality

Look in the mirror, and worship what you see

The image and the likeness of the almighty

I am that I am and I’ll be what I’ll be

Like a bird, like a bee, free free free

Soh Mih haffi goh home, Mih haffi goh home

Leggo mih hand babywrong me naah tan inna Rome

Mih ago dash weh yuh scissors, and fling weh yuh comb

No longer will I linger, and no more will I roam