Queen Mother Miss. Lou©

By RasPadaItion® September 6, 2007

Punchline/Reprain

She a shero fi true , Queen Mother Miss Lou

So mek wih praise Miss Lou for respect due

She mek wih know seh patwah a language too

Bless up Miss Lou, Jamaica loves you

Verse 1

Loads of laughter yuh bring when wuh resite or sing

wih love yuh program wid Maas Ran & wih love Ring Ding

Wih love dutty tuff & when yuh sing bout dih cling cling

Wih love dih poem bout dih tram car & dih boy weh did go a foreign

Light like a lark, wid laughter yuh mek yuh mark

So wih waa Miss Lou statue inna Emancipation Park

Cause a she establish the Jamaican talk

And ignite dis yah cultural spark

Verse 2

Thanks to dis yah cultural icon

Wih all proud to be Jamaican

Fih dih modern poets a she set dih foundation

Continuing the work of Miss Una Marson

Seitdeh now wih reaching the highest destination

the world haffi tek note of this yah likle nation

wid wih rhythmic type of communication

Rocking the world from this likkle island

Verse 3

In Jamaica’s story your role is crucial

Yuh mek dih world know how Jamaican comical

And yuh mek wih all know seh wih language vital

To Jamaican prosperity and cultural survival

Yuh bring pride & joy young boys and gal

Your type a poetry dominate wih festival

In wih walk, in wih talk Miss Lou yuh central

Fih love wih self be wih self is essential