Yuh have a tongue to talk, so talk it out

Mek no sense yuh have di truth and shut up yuh mouth

A right over might, bun fear and doubt

Let the truth set yuh free, it’s the only way out

Verse 1

Well me name Mr. Palmer, and me noh si nothing wrong wid informer

As long as him naah inform pan dih farmer

Or dih driver, or dih juggler pan dih corner

Weh deh provide dih marijuana fih mek dih nation calmer

Or pan dih harmless hustler weh deh try fi mek a dollar

BUT wah bout dih beast who brutally butcher dih baby and dih baby mother

Wah bout dih perverted predator, weh rape dih harmless grandmother  

Wah bout dih dog weh rape and kill dih two Westmoreland daughter

If yuh sih and silent, den yuh consent to the slaughter

Yuh have a tongue fi talk, talk talk it out

Mek no sense yuh have di truth and lock up yuh mouth

A right over might, bun fear and doubt

Let the truth set yuh free, a di only way out

Verse 2

Jah know mih haffi vent, cause mih noh content

Yu gih dutty murderers yuh consent, when yuh kip silent

Wih gih wih future a big dent, cause wih too violent

Dem seh “sih and blind, hear and deaf”

But if wih kip dat up, none a wih naah goh left

How wih fih support murder, and cover up rape, how wih fi support theft

How wih fih mek dem kill a clean youth like Jeff

How wih fih mek dem rape an innocent girl like Steff

If wih sih and blind, hear and deaf, quick o clock, none a wih naah goh left

None a wih naah goh left, none a wih naah goh left

I have a tongue fi talk soh, I a talk it out

Mek no sense I have di truth and lock up I mouth

A right over might, I bun fear and doubt

The truth set I free, I am on di way out

Verse 3

Yuh sih everything, but nothing yuh noh do

 Bout yuh naah fast inna what don’t concern you

Yuh sih dem come fi Tom, yuh sih dem come kill Sue

Still yuh look di next way nothing yuh no do

But one day they may come for you or someone related to you

Then what must we do, look the next way just like you do?

That naah goh help me, and dat certainly cyaa goh help you

Collective security will carry us trough

Collective security wih carry wih trough

Yuh have a tongue to talk, so talk it out

Mek no sense yuh have di truth and shut up yuh mouth

A right over might, bun fear and doubt

Let the truth set yuh free, it’s the only way out